Bhopal, Risaw:
U nongïalam jong ka seng Congress u Rahul Gandhi ha ka sngi Saitjaiñ u la ong ba lada ka seng kan wan ha ka bor synshar kum ka sorkar kmie, kan sa pynlong ïa ka jingwad khana samari halor ka jingdon jong ki jaitbynriew ban tip thik ïa ka jingdon jong ki briew kiba shah kynthup ha ka Other Backward Classes (OBCs) ha kane ka ri.
Une nongïalam jong ka Congress u la ai jingkren ha ka jingïalang paidbah kaba la long ha Kalapipal Assembly konstitwensi ha Shajapur distrik jong ka Madhya Pradesh.
Kane ka jingkular jong u Gandhi ka la long ar sngi hadien ba u la pyrkhat halor ka jingthmu ban wad khana samari bad ka jingmang na ka bynta kito kiba shah kynthup ha ka kynhun OBC ha ka aiñ ban ai ïa ka bhah bad mang kyrpang na ka bynta ki longkmie ha ka por ba la ïakren halor ki mat ba ïadei bad ka Lok Sabha.
“Ym slem lada wan ha ka bor synshar, kaba nyng-kong ban leh ka dei ba ngin pyntreikam ha kaba ïadei bad ka jingwad khana samari ban tip thik ïa ka jingdon jong ki briew kiba shah kynthup ha ka OBC ha ka ri, la ong u Gandhi ha ka jingai jingkren jong u.
