Guwahati, Risaw:
Ki la don palat 800 ngut ki briew kiba la shahkem ha ka bynta ba ar jong ka jingpyntreikam ban ïakhun pyrshah halor ka jingpynïathoh dang poh rta ïa ki khynnah ha Assam.
Ki la don da ki hajar ngut kiba la shahkem ha Assam ha ka jingpyntreikam kaba nyngkong.
Ki la don palat 800 ngut ki briew kiba la shahkem ha ka sngi Ba-ar ha ka bynta kaba ar jong ka jingpyntreikam ban ïakhun pyrshah halor ka jingpynïathoh ha ka por ba dang poh rta ïa ki khynnah ïa kaba la pyntreikam ha baroh kawei ka jylla, la ïathuh u Myntri Rangbah u Himanta Biswa Sarma.
Ha ka por ba la pyntreikam ha ka bynta kaba nyngkong, ba la pynlong ha basdang une u snem, ki la don da ki hajar ngut ki briew kiba la shahkem ha kylleng ki jaka jong ka jylla.
“Ha ka jingpyntreikam ban ïakhun pyrshah halor ka jingpynïathoh dang ha ka rta kaba dang rit ïa ki khynnah, ki pulit jong ka Assam ki la ïoh ba kem ïa palat 800 ngut ki briew kiba la shah kynnoh donkti, ïa kaba la sdang ha ka por ba dang step phyrngab,” la ong u Sarma ha ka jingthoh kaba u la pyllait ha ki lad phah khubor.
U la ong ba ka jingdon jong ki ban sa shah kem kan sa nang kiew namar ba ka jingpyntreikam ban leit thwet bad khynra sha kylleng ki jaka ka dang ïai bteng haduh mynta.
Ha ka 11 tarik, Nailur, u Sarma u la ong hapoh Assam Assembly ba ki la don baroh kumba 3,907 ngut ki briew kiba la shahkem ha kaba ïadei bad ki jingjia jong ka jingpynïathoh khynnah ïa ki khynnah rit ha ki san snem ba la leit, ha kaba 3,319 ngut napdeng jong ki ki la shah pynngat hapoh ka aiñ Protection of Children from Sexual Offences Act, 2012 (POCSO).
