Aizawl, Risaw:
Kum ka jingjop kaba khraw, ki pulit jong ka Mizoram ha ka 4 tarik, Risaw ki la ïoh ban kurup ïa u dawai Methamphetamine ba kham pher ba la tip paidbah kum u Crystal Meth, ha Lengpui Airport, kaba ha Aizawl. Kine ki jingdih pynbuaid kumba la antad ki don ha ka jingkhia kaba 10.4 kilograms, ha kaba la antad ba ki la kot sha ka T. 31 klur ha ka ïew bar ri.
Ïa kine ki song jong kine ki jingdih pynbuaid la ïoh ban kurup da ki pulit ha ka por ba ki la pynlong ïa ka jingkhmih bniah ha ka jaka sangeh liengsuiñ, ha kaba ka kor khmih bniah jong ka INDIGO Security X-Ray Baggage ka la aidak ba don ei ei ha ka synduk thep jaiñ.
Haba la pynlong ïa ka jingtohkit kaba bniah, ki heh ba dei khmih ki la kem noh ïa kawei ka briew kaba la 38 snem ka rta ïa kaba la tip kyrteng kum ka Lalremthangi, kaba la thmu ban khaïi ïa kine ki song jong u jingdih pynbuaid na Myanmar sha Delhi.
Ka Lalremthangi, kaba dei ka nongshong shnong jong ka Myanmar ka la shong la sah ha Delhi bad trei ha ka Spa, kane ka la shah set na ka bynta ka jingtohkit.
Ka la don ka jingmudui ba la pynngat pyrshah ïa ka hapoh ka Narcotic Drugs and Psychotropic Substances (NDPS) Act and the Foreigners Act ha ka jaka treikam jong ki pulit ka kynhun Special Narcotics Police.
