Agartala, Risaw:
Ka sorkar kmie ka la ai ïa ka rai halor ar tylli ki kynhun jong ki riewkiengatiar kiba don ha Tripura bad ïa baroh ki kynhun jong ki kum ki seng kiba long beaiñ. Ka kynhun National Liberation Front of Tripura (NLFT) bad ka All Tripura Tiger Force (ATTF) ki la shah ñiew beaiñ ha ka sorkar kmie na ka bynta san snem.
Ha kaba ïadei bad ka jingkhang treikam ïa kine ki seng hadien ba ki la shah ñiew beaiñ, ka sorkar kmie ka la ong ba kine ki seng baroh ar ki la don bynta ha ka ban leh ïa ki kam pyntriem bad ki kam thombor ha Tripura. Ka sorkar ka la ong ba ka kynhun NLFT bad ATTF ki la leh ïa ki kam pyntriem bad thombor pyrshah ïa ki briew jong ka Tripura tang kumno ba kin ïoh nong ne ïoh ïa kaba ki kwah.
Ka kynhun NLFT bad ka ATTF ki la shah ñiew ba ki la don ka jingïadei kaba ïajan bad kiwei pat ki kynhun ba la shah ñiew beaiñ ha ka thaiñ bad kiba la donkti ban pynïap ïa ki riewpaidbah bad ki pulit, la pynshisha ka sorkar.
