Khliehriat, Risaw 09
Ka Ladrymbai BSC bad ka Tpepswer SSWO ki la jam sha ka quarter final ha ka lympung ïalehkai 1st Division Football Tour -nament ba la pynïaid da ka East Jaiñtia Hills District Football Association (EJHDFA) ha madan Artificial Turf kaba don ha Diengshynrum, Khliehriat.
Ha ka jingïalehkai jong ka Pool-A, ka Ladrymbai BSC ka la pynliem da 2-0 kol ïa ka Musniang SC ha ka Lah Sngi U Blei. Kane ka la wan urlong lyngba u Daukimiki Dkhar.
Haba phai sha ka jingïalehkai la ong ba naduh kaba sdang baroh ar kynhun ki la pyrshang ban ïakhun tyngeh, hynrei dei ha ka minit kaba 24 ba ka Ladrymbai ka la ïoh ban pynkhih jar nyngkong eh lyngba u Daukimiki.
Wat la ka liang pyrshang ka la ïaleh kat lah kat ïai ban pynphai, hynrei kam shym la lah ban pynurlong bad hashwa ban wai u Daukimiki u la pynbud ïa ka kol kaba ar ka jong u ha ka minit kaba 78 na ka bynta ban khur syndon ïa ka jingjop.
Haba phai sha ka jingïalehkai jong ka Pool-B, ka Lumshken ka la jop da 1-0 kol ïa ka Shilliang Umshong. Ïa kane ka kol la thep da u Markos Bareh lyngba ka penalty ha ka minit kaba 11.
Lyngba kane ka nam jop ka Lumshken ïa ka Shilliang Umshong ka la pynkylla ïa ka resol bad la rung quarter final da ka Tpepswer kaba wan ha ka kyrdan ba hakhlieh jong ka miej ïakhein dor thong.
