Shillong, Risaw 10
Ka kynhun ïalehkai ka Jylla ka la mad ïa ka jingshah rem ha ka Pondi-cherry da 131 run ha ka lympung ïalehkai BCCI Women’s U-19 One Day Trophy ha ka sngi Ba-ar ha Surat.
Hadien ka jingshah rem da 10 wiket ha ka jingïalehkai kaba nyng-kong, ka Meghalaya ka la pyrshang ban ïakhun tyngeh ha kaba ka Pondi-cherry ka la lah ban kamai 228 run ha ki 43.4 over. Hynrei tang hadien ba ki lai ngut ki nongtied ki la shimti ha ka ban tied ha kaba ka Meghalaya ka la shah pynkhyllem lut baroh na ka bynta ban kamai tang 97 run ha ki 33.5 over.
Ka Kambesa A. Sangma ka la lah ban ïalehkai bha na ka bynta ka Meghalaya ha kaba ka la ïoh ban khur 3 wiket bad ban ailad 32 run. Kiwei pat kiba la ïoh ban pynhap wiket ki long ka Fennysha Nongrum (2/31), Abiezer Khar-syiem (2/36) kynthup ïa ka wiket ba la pyn-khyllem ïa ka nongtied ka ‘thei ïalehkai jong ka Pondicherry ka E. Kavisha kaba la lah ban khyrwit ïa ka century, Jayshree Singh (1/6) lem bad ka Ankita Sharma (1/49).
