Shillong, Risaw 10
U Wayne Rooney, uba la ïa khlad lok noh bad ka kynhun ïalehkai na Major League Soccer ka DC United, mynta u la pynkhreh ban leit ïasoh noh sha ka Birmingham City ba la long trai da u Tom Brady na ka bynta ka lympung Championship kum u manager uba thymmai.
Kat kum ki khubor la ong ba u Rooney un iasoh lang bad u paralok ba ïalehkai lang kham mynshuwa u John O’Shea, ha ka por ba ki dangdon ha ka Manchester United bad u Ashley Cole, kiba la don la don ka jingïadei kaba jan bad utei u rangïalehkai shakhmat barim ka England.
Utei u rangïalehkai barim ka United u la mih noh na ka DC United hadien ba u la shimti ban pynïaid ïa katei ka klob haduh shisnem shiteng. Hadien ba kane ka kynhun ka la hiar sha ka kyrdan ba shatrai ha ka Eastern Conference ha u 2022, ka DC United ka la don ha ka kyrdan ba khyndait ha kane ka lympung ha kaba ka la kamai 40 point na ki 34 sien ïakhun.
