Khliehriat, Risaw 10
Ka Rymbai Synrang Shah -khaiñ, Khliehriat West FC, Wahïajer NYSSC bad ka Rangad SC ki la jam sha ka quarter final ha ka lympung ïalehkai 1st Division Football Tour-nament ba la pynïaid da ka East Jaiñtia Hills District Football Association.
Ha ka jingïakhun kaba la long ha ka sngi Ba-ar ha madan Artificial Turf kaba don ha Diengshynrum, Khliehriat, ka Rymbai Synrang Shahkhain SC bad ka Pamra Paithlu SC ki la ïasam mar shi point hadien ba kim shym lah ban thep kol haduh kaba kut ka jingïalehkai.
Ha ka jingïakhun kaba bud, Khliehriat West FC ka la pynliem da 3-1 kol ïa ka Lumputhoi SC. U Jasmine Tlang u la thep ar kol na ak bynta Khliehriat ha ka minit kaba 4 & 10 bad ïa kawei pat la pynbud da u Silgrak Pala ha ka minit kaba 43 minit. Katba ïa ka shi kol jong ka Lumputhoi la thep da u Rishan Lyngdoh ha ka minit kaab 17.
Kumba ka paw na ka Pool-C, ka Rymbai Synrang Shahkhaiñ ka la jam sha ka quarter final. Katba na ka Pool-D, la rung da ka Khliehriat West FC. Na ka Pool-A bad B la rung da ka Wahiajer NYSSC bad ka Rangad SC.
Ki kynhun kiba la shah pynhiar sha ka kyrdan Second Division ki long ka Lumputhoi SC, ka Rymbai Pohskur SC, ka Pamra paithlu SC bad Musniang SC.
