Aizawl, Risaw:
Hashwa ban pynlong ïa ka ilekshon Assembly ha Mizoram, ka kynhun ba la ïatreilang hapdeng ki shipai ka tnat Assam Rifles bad ki pulit jong ka Mizoram na ka bynta ka jingpyntreikam ha ka ban leit jurip bniah bad pahara sha kylleng ki jaka ka la ïoh ban kurup ïa kiba bun ki tiar siat bad pynbthei.
Ka jingïatreilang hapdeng ki shipai ka sorkar kmie bad ki pulit jong ka jylla ka la long ha Siaha distrik kaba don ha Mizoram.
Kum shi bynta ban leh ei ei hadien ba la ïoh jingtip shaphang ka jingdon jong ki runar kiba rah ïa kine ki tiar hiar thma bad kiba la thmu ban pynpoi ïa ki sha ki bynta jong ka Myanmar da kaba ïaid lyngba ka Lungbun, ki shipai ka tnat Assam Rifles ha ryngkat ki heh jong ki pulit ka distrik ki la pynlong ïa ka jingpyntreikam ban leit khynra ha kane ka thaiñ ha ka janmiet jong ka sngi U Blei bad ka kynhun kaba la don bynta ha ka jingpyntreikam ka la lap ïa arngut ki briew ki bym shym la lah ban ithuh. Ha kane ka por haba kine ki arngut ki la ïohi ïa katei ka kynhun ki la pynhap noh ïa ki pla ba don kine ki tiar siat bad ki la phet noh sha ki bynta ban poi sha Myanmar da kaba ki la jam lyngba ka wah Kolodyne River ha kaba ka kynhun jong ki pulit bad ki shipai kam shym la ïohlad ban kem ïa kine ki
