Gangtok, Risaw:
Ki shipai duriaw ne Indian Air Force ki la ïoh ban pyllait im ïa 149 ngut ki briew da ka jingïarap jong ki liengsuiñ kiba la sahkut ha ka jingshlei um ha ka shnong Lachen bad Lachung jong ka Mangan distrik kaba don ha Sikikim ha ka Lah Sngi U Blei.
Kane ka jingpyllait im ïa ki briew da ki liengsuiñ ka la long hynriew sngi hadien ba la jia ka jingshlei um kaba la tuid na ka nan kaba lang ki um thah kaba don ha South Lhonak Lake, ha kaba ka la pynshlei pat ïa ka wah Teesta ha Sikkim bad North Bengal, kane ka jingjur jong ka jingshlei um ka la jia namar ka jingjur jong u slap, la ong ka jingthoh ba la phah da ki heh pulit.
Ïa ka jingpyllait im ïa ki briew lyngba ki liengsuiñ la leh da ki shipai ka tnat Indian Air Force ha kaba ki la pyndonkam da ki Helicopter kiba kynthup ïa ka M8, F4, F7, C2, MI 17 bad Chinook hadien ba ka jingjur slap ka la ktah jur ïa ka North Sikkim, la ong shuh shuh ka jingthoh ba la phah.
