Shillong, Risaw 11
Ka Jylla ka la lah ban sei tang hynñiew tylli ki jingïalehkai sha ka National Games ka ban long mynta u bnai ha Goa, ka ban sdang naduh 26 mynta u bnai haduh 9 tarik u Naiwieng mynta u snem.
Kine ki kynthup ïa ka Athletics (ka ban phah tang 2 ngut ki nongïaleh -kai), football ki shynrang, swimming (4 ngut), mar iwei ha ka Wushu & Judo, Shooting bad ka Golf (4 ngut).
Ïa kane la ïathuh da u General Secretary ka Meghalaya State Olympic Association u Bah Finley L. Pariat ha kaba u la pynpaw ka jingkyrmen ba lehse Jylla kan danglah ba kan ïoh shuh shuh ban ïashim bynta ha kane ka lympung namar ka dangïai ap na ki synjuk ïalehkai ba kin ai jingtip hashwa ïa ka por.
Haba ïadei bad ka jingpynkhreh u Bah Finely u la kam ba la sdang ban pynkhreh bha, khamtam lei lei ka football kaba don bha ka jingkyrmen ba ka Jylla kan ïoh beit ba kan khur takma.
Haba ïadei bad ka jingpynlut pynsep, u Bah Finely u la pyntip ba la dep ban phah sha ka Sorkar, khamtam ïa ka bai leit namar mynta ka kynti yn hap ban leit da ka liengsuiñ, bad haba kheiñ kyllum, ka jinglut baroh kan nym duna ïa ka T.45 lak.
