Jowai, Risaw 12
Ka Demthring ka la pynliem noh ïa ka Moosyiem Shangpung da 2-0 kol ha ka First Division Football Tournament na ka bynta ka Chatister Kharkongor Memorial Trophy 2023.
Watla kine ki kynhun ki la ïakhun tyngeh naduh kaba sdang ha Kiang Nangbah Stadium ha ka sngi Palei, hynrei ka Demthring ka la ïoh ban pynkhih jar nynkong eh Wellmisson Dkhar ha ka minit kaba 28 na ka bynta ban tam shi kol haduh kaba kut jong ka kylla step.
Hadien katto katne por ba la bteng ïa ka jingïakhun jong ka kylla miet, ka Demthring ka la pynbud biang ïa ka kol kaba ar ar lyngba u Pyndap Liam ha ka minit kaba 79. Watla ka Moosyiem Shangpung ka la pyrshang ban ïakhun tyngeh na ka bynta ban pynphai, hynrei haduh kaba kut ka jingïakhun kam shym la lah ban pynurlong.
