Guwahati, Risaw:
Ka jingtrei shitom jong ki pulit ka Assam bad ki shipai ka tnat Border Security Force (BSF) ka la ïarap ban ïoh kurup ïa kumba 2.6 lak tylli ki kuli Yaba, ha kaba la antad ba ka la kot sha ka T. 70 klur ha ka ïew bar ri, ha Katakhal kaba don ha Cachar distrik jong ka Southern Assam, ha ka miet jong ka sngi Palei.
Ïa kine ki jingdih pynbuaid la song ha ki 26 tylli ki song, ha kaba la ïoh ban kurup na ki jaka ba la buhrieh ha ka Sports Utility Vehicle (SUV). Wat lada ki pulit ki la ïoh ban kurup ïa kine ki drok bad ka kali, ki nongkhaïi drok ki la lait phet na ka jingdum ka miet.
Ïa ki song jong u drok la phah na Champhai distrik kaba don ha Mizoram sha Assam bad Meghalaya. U Myntri Rangbah jong ka Assam u Himanta Biswa Sarma u la ai ka jingïaroh halor ka jinglah ïakhun pyrshah jong ki shipai ïa u drok lyngba ka lad phah khubor.
