Imphal, Risaw:
Ka Veterinary and Animal Husbandry Department jong ka Manipur ka la pyntikna ba ka la don ka jingktah jong ka jingpang African Swine Fever (ASF) ha ka jylla bad la pynbna ba ka Pig Farm of the Central Agriculture University (CAU) ha Imphal West District kum ka jaka ba saphriang kane ka jingpang.
Ki heh ba dei khmih ha ka sngi U Blei ki la ong ba u Deputy Commissioner jong ka Imphal West distrik bad u Director, jong ka Veterinary and Animal Husbandry Department ki la ïasnohktilang na ka bynta ban ai ka jingpynbna ha kaba ïadei bad ki jingpyntreikam pyrkhing halor ka jingrah bad ka jingwan kit ïa ki sniang na ka jaka ba la shah pyntreikam pyrkhing.
Ym dei ban don mano mano ruh ki ban rah ïa kino kino ki mrad na ka thaiñ ba la shah pyntreikam pyrkhing, la ki long kiba ïap ne kiba im, la ong ka hukum bad la pynbna ba ka Imphal West distrik ka dei ka thaiñ ba la hap ban shah khmih bniah kyrkieh, ban ai jingïada bad ban ïakhun pyrshah halor ka jingpang.
Ïa ka jingsdang jong kane ka jingpang, la lap hadien ba ka kynhun jong ki nongri sniang ha Manipur ka la ai jingtip sha ki distrik kiba kynthup ïa ka Imphal West, Imphal East bad Kakching halor ka jingkem pang bad ka jingïap jong kiba bun ki sniang.
