Imphal, Risaw:
Ha ki khyndiat sngi ba la leit jong ka jingpyntreikam, ki shipai ïada ri ha Manipur da ka jingjop kaba khraw ki la ïohlad ban kurup ïa ki tiar siat, ki kuli bad ki tiar pynbthei ha kiba bun ki distrik. Kane ka jingpyntreikam ka la ïarap ruh ban ïoh kem ïa ki briew kiba la donkti ha ki kam beaiñ ha kaba baroh haduh mynta ki la don 2240 ngut.
Ha Imphal-East distrik, la don kumba phra tylli ki tiar siat, kynthup ki suloi Assault Rifle, .303, SMG Carbine, Sten Gun, bad ar tyli ki 9mm Pistol, ïa kiba la ïoh ban kurup, ha ryngkat 62 song ki kuli ïasiat, 18 tylli ki tiar siat, uwei u tiar siat bom ba la tip kum u (Pompi), ar tylli ki Wireless Set (KENWOOD), ar tylli ki Tube Launcher, uwei u Smoke Grenade, bad san tylli ki BP Jacket bad kiwei pat.
Ïa ka jingleit khynra la nang bteng ruh ban pynlong sa sha kiwei pat ki jaka kiba kynthup ha Imphal-East, Kakching, Bishnupur, Churachandpur, Thoubal, bad Imphal West.
