Aizawl, Risaw:
Ha shwa ban pynlong ïa ka ilekshon Assembly ha Mizoram, ka kynhun ba la ïatreilang hapdeng ki shipai Assam Rifles bad ki pulit jong ka jylla ka la ïoh ban kurup ïa kiba bun ki tiar pynbthei kynthup ïa 5,800 tylli ki tiar pynbthei bad 11,200 metre u Codex Wire hajan Chhuurlung ha Siaha disrik kaba don ha Mizoram, la ong ka kyrwoh na ki pulit ha ka 22 tarik, Risaw.
Ïa kine ki tiar pynbthei la shna ha kawei ka jaka kaba don ha ka surok bah Siaha-Chakhang ha ka thaiñ Siaha jong ka jylla, la ïathuh ki heh pulit. Ïa kine ki tiar pynbthei ba la ïoh ban kurup la aiti sha ki pulit jong ka Siaha na ka bynta ban leh ïa kaba donkam, la bynrap ka kyrwoh.
