Imphal, Risaw
Ki pulit jong ka Manipur ha ka miet jong ka sngi Saitjaiñ ki la kem noh ïa u President barim jong ka Bharatiya Janata Yuva Morcha (BJYM) Manipur u Manoharmayum Barish Sharma jong ka Wangkhei Ningthem Pukhri Mapal, uwei na ki snar nongïalam uba la shah kynnoh donkti ha ka jingjia jong ka jingïasiat ba la jia ha ka miet jong ka 14 tarik, Risaw ha kaba kane ka la pynmynsaw ïa san ngut ki briew kynthup ïa kawei ka longkmie ha ka por ba don ka jingïakynad ha Kwakeithel Konjeng Haraji Leikai kaba hap hapoh ka jingkhmih jong ki pulit jong ka Imphal. Une u la shah ïalam hakhmat u District Magistrate jong ka Imphal West ha ka Sngi U Blei ha kaba u la shah rai ban shong patok haduh ka 25 tarik, Risaw.
U Sharma u la shah pynngat hapoh ka kyndon Arms Act, ka jingpynkheiñ ïa ka kyndon jong ka Curfew, ka jingthmu ban wanrah ïa ki kam pyntriem bad ka jingthmu pynïap breiw.
Ïa ka mukotduma la buh ha kaba ïadei bad ka jingsiat bad ka jingthmu ban pynïap briew. Ki pulit jong ka Imphal ki la pynlong ïa ka jingtohkit bad kem ïa lai ngut ki briew, kynthup ïa u Vice-President jong ka BJYM Manipur Pradesh, ha kaba ki la shah kynnoh ba ki la donkti ha katei ka jingjia jong ka jingsiat briew.
