Imphal, Risaw:
Ki pulit jong ka Manipur ha ka 22 tarik, Risaw ki la ïoh ban kem ïa uwei u dkhot jong ka kynhun ba ju ïarap ïa ki lehnoh na Imphal West distrik bad ïoh ruh ban kurup ïa ki tiar siat bad ki tiar pynbthei.
La don baroh kumba 68 song ki kuli 40 mm Lathode Ammunition (UBGL), 573 tylli ki kuli jong ka 7.62 Luve, 294 tylli ki kuli jong ka 5.56 bad 379 tylli ki kuli jong ka 7.62 ba la ïoh ban kurup na une uba la shah kynnoh.
Ïa une uba la shahkem ha ryngkat ki tiar siat la aiti sha ki pulit jong ka Imphal West distrik bad hadien kane u la shah set noh na ka bynta ka jingtohkit.
