Shillong, Risaw:
Ka Master Chef India, kawei na ki rynsan pyni ïa ka sap shet, yn pyni tang ha Sony LIV naduh sngi Nyngkong haduh Sngi Thohdieng ha ka por 8 baje mynmiet. Ki nongshet ba pawnam ba kynthup ïa u Chef Vikas Khanna, Ranveer Brar, bad ka Pooja Dhingra kin ai jinghikai ïa kine ki nongshet kiba don ka mynsiem ban kiew ha ka kam shet kynthup ruh ïa kawei na ki nongshet na Meghalaya kaba 30 snem ka Nambie Jessica S. Marak, kaba thmu ban pynpaw ïa ki jingshet ka thaiñ Shatei- lam- Mihngi ha kane ka Show, bad kaba thmu ban pynsah kynmaw ïa ka rynsan shet jingshet.
Ka Nambie, kaba long ka Principal bad ka trai jong ka Sunbeam Foundation School ha Upper Rangsa, Meghalaya, ka la leh shibun ki kam, ba kynthup ïa ka jinghikai ïa ‘Communication Skills’ ne ki rukom bad ki jingtbit kumno ban pynsaphriang khubor ha Chennai bad hikai ïa ki khynnah ha Meghalaya.
Ka pyniaid ruh ïa ka ‘Eat Your Kappa’, kaba long ka YouTube Channel kaba pyni ïa ki jingbam bad ki rukom bam jong ka thaiñ Shatei -lam -Mihngi. Ka jingthrang jong ka Nambie ban shet jingshet ka dei naduh ki por ba ka dang rit, bad u kurim jong ka, u long kum u nongmad ïa ki jingshet bapher bapher jong ka. Ka dei kaba don mynsiem ban long ka nongshet ba tbit tam, ka Nambie ka thmu ban pyni ïa ki jingshet bapher bapher jong ka thaiñ Shatei- lam -Mihngi ka ri India, ban shet ïa kita ki jingshet ban sah kynmaw bad ki ban pynjawdud shisha.
