Nongstoiñ, Nohprah 11
Ka Upper New Nongstoiñ ka la bteng biang ïa ka jingjop ha ka Super Division ba la tip kum ka NDSA Premier League Football Tournament 2023 -24. Kane ka wan hadien ba ka pynliem ïa ka Tiehsaw PSC da 2-0 kol ha ka Lah Sngi U Blei ha madan NDSA, Nongpyndeng.
Kane ka nam jop ka wan urlong lyngba u Arking Lyngdoh bad u Shai Nongsiang na ka bynta ban khur ïa ki lai point.
Tang mar ïasdang ka jingïalehkai, ka Upper New Nongstoiñ ka la ïoh ban pynkhihjar nyngkong eh lyngba u Arking Lyngdoh ha ka minit kaba 2. Hadien katto katne por kane ka kynhun ka la pynbud biang ïa ka kol kaba ar lyngba ka penalty ba la shut da u Shai Nongsiang ha ka minit kaba 21. Watla ka Tiehsaw ka la pyrshang ban pynphai, hynrei kam shym la lah ban pynurlong haduh kaba kut ka jingïalehkai bad ka la mad ïa ka jingshah rem.
Haba phai pat sha ka 1st Division, ka Nongstoiñ FT ka la pynliem noh ïa ka Siejlieh SC da 1-0 kol.
Ka jingïalehkai bha ka sngi Ba-ar ha ka 1st Division kan long hapdeng ka Ramsngiwar pyrshah ïa ka Mawkhlam ha ka por 12:05 mynsngi, katba ha ka Super Division ka jingïakhun kan long hapdeng ka Mawlarshong pyrshah ïa ka Mawliehbah SC ha ka por 2 baje janmiet.
