Shillong, Jylliew 13
Ka jingïakhun ‘Final’ jong ka Lympung ïalehkai District Level Inter School Subroto Cup Football Tournament 2025, East Khasi Hills District ha ka kyrdan U-17 jong ki shynrang ka la long mynta ka sngi 13 tarik Jylliew ha ka por 10 baje mynstep ha madan SAI, NEHU Campus ka la long hapdeng ka Shillong Vidyalaya Sec. School pyrshah ïa ka O.M. Roy Memorial Hr. Sec. School.
Ka O.M. Roy Memorial Hr. Sec. School ka la ïoh rah noh ïa ka nam lahduh ha kane ka jingïakhun hadien ba ka la lah pynliem noh ïa ka Shillong Vidyalaya Sec. School da 2-1 kol lyngba ki kol na u Jonathan Kharbani ha ka minit ba 35 bad u Marbiang Kharbhih ha ka minit ba 51 katba ka shi kol jong ka la ïoh ban thep da u Kitbok Maskut ha ka minit ba 14.
Kane ka long ka jingïalehkai ka sien ba 22, ha kane ka sngi u Bah Hardy Cliff Nongbri u la long kum u Chief Guest.
