Itanagar, K’lyngkot:
Ki pulit jong ka nongbah Itanagar ki la ïoh ban kem ïa kawei ka briew halor ka jingshah kynnoh ba ka la wanrah beaiñ ban die bad khaïi ïa u Cannabis. Ïa kane ka briew la tip kyrteng kum ka Niri Yami (45 snem) bad ka la shahkem na C Sector ha ka sngi Thohdieng, la ïathuh ka tyllong khubor ba la wan na ki pulit.
Haba la ïoh jingtip halor ka jingdon jong kane ka briew, ka kynhun jong ki pulit kynthup u SDPO jong ka Itanagar u Kengo Dirchi, ki Inspector kiba kynthup ïa u K Yangfo bad u T Tasso, u SI u Padi, bad ki pulit langrut kiba kynthup ïa u Tayo Bodo bad u Sandeep Yadav, ha ryngkat ka jingsynranlang jong u SP ka Itanagar u Rohit Rajbir Singh, ki la pynlong ïa ka jingleit khynra ha ka jaka sah jong u Yami hajan Hotel Kosing bad kurup ïa 37 tylli ki pla plastik kiba don ïa 2,345 grams u Cannabis bad ka pisa kaba T. 20,000 ha kaba la suba ba ki la thmu ban die ïa u.
Ka la don ka jingpynngat ha ka kyndon NDPS Act pyrshah ïa kane ka briew ha kaba ïadei bad ka jingjia, la ïathuh ki pulit.
