Chennai, Jylliew:
Ka Vellore Institute of Technology (VIT) Chennai ka la pynbna ïa ka N-STARS na ka bynta ka Law, Management, & Science programmes, ka jingïarap ai jingkyrshan pisa lyngba ka Scholarship na ka bynta kito ki khynnah pule kiba wan ha ki kyrdan ba hakhliehduh jong ka jylla na ki skul sorkar bapher bapher kiba don ha ki thaiñ nongkyndong ha kylleng ka ri India.
Kane ka jingpyntreikam ka ïarap ban map noh ïa ka jingsiew kaba 100% ha ki snem jong ka jingpule, ki jingdonkam ha ka Hostel bad halor ka bam katkum ki jingshim por jong ki jingpule jong ki ha VIT Chennai.
Ïa ka Scholarship la wanrah kum shi bynta ban ai ka jingkyrshan kum ka jingai sngewbha bad na ka bynta ki khynnah kiba shah ktah na ki jingkyrduh ha ka liang ka ïoh ka kot kiba dei na ki thaiñ nongkyndong, ka jingpynkupbor na ka bynta jong ki ba kin lah ban nang ïoh shuh shuh ïa ka jingnang jingstad bad ba kin lah ban sam lem bad ban shakri ha ka imlang ka sahlang.
Ki khynnah pule kiba dei ban ïoh ïa kane ka Scholarsip kin sa shah pynrung kyrteng ha ka VIT Chennai na ka bynta ka B.B.A. LLB (Hons) (5-year Integrated Program), B.A. LLB (Hons) (5-year Integrated Program), B.Sc. Computer Science, B.Sc. Fashion Design, B.Sc. Economics (Hons), B.B.A. (Hons), B.Com. (Hons), bad M.Sc. Integrated Applied Psychology (5-year Integrated Program).
