Bhopal, Jylliew:
Ka jylla Madhya Pradesh shen kan sa ïoh ïa ka jingpyntreikam ha kaba ka leit ka wan bad ka jingplie jong ki dukan bad ki jaka khaïi kan sa long baroh shimiet ne 24 kynta.
Ka sorkar jong u Mohan Yadav hapoh ka jylla ka la rai ban ailad ïa baroh ki dukan bad kiwei pat ki jaka khaïi ha ka jylla ba kin treikam baroh 24 kynta kum shi bynta ban nang kyntiew ïa ka ïoh ka kot bad ka lad aikam aijam sha kiba bun. Kane kan sa pynlong ïa ka Madhya Pradesh ka jylla kaba hynñiew ha ka ri hadien ka Maharashtra, Karnataka, Haryana, Himachal Pradesh, Uttarakhand bad Telangana ba kan pyntreikam da kane ka Policy, la ïathuh ki heh sorkar.
Ha ka jingthoh ba la phah ha ka sngi Palei, u Myntri uba dei khmih ïa ki nongbylla u Prahlad Singh Patel, u la ong ba hapoh kane ka jingtyrwa pyntreikam kaba thymmai, baroh ki dukan bad ki jaka khaïi, kynthup ki Hotel, ki dukan heh, ki Mall, ki Resort bad ki jaka pynbyrngia kynthup ki Cinema kiba hap hapoh ka jingkhmih jong ki Municipal Corporations, ki Municipality bad ki jaka ba don ki karkhana kin sa plie bad treikam ha baroh 24 kynta.
