Chennai, Jylliew:
U Myntri Rangbah jong ka Tamil Nadu u MK Stalin u la pynbna ba ïa ka skhim jong ka DMK na ka bynta ban pynbiang mar `. 1000 na ka bynta ki khynnah kynthei ha ki skul sorkar yn sa nang pynïar ïa ka jingpyntreikam ka ban ai jingmyntoi sa sha ki khynnah skul shynrang naduh ka klas 6 haduh klas 12.
Ki khynnah skul shynrang kin sa ïoh ruh ïa ka jingkyrshan pisa kaba T. 1000 man u bnai, ha kaba ïa kane ka pisa yn sa phah sha ki Bank Account jong ki na ka bynta ban ailad ïa ki ba kin bteng ïa ki jingpule kiba kham shalor.
Kane ka skhim kan sa treikam naduh u Nailar, la ong u Myntri Rangbah. Ïa kane ka skhim la nam kyrteng da ka Tamil Pudhalvan (kaba mut ki khynnah pule Tamil), kane kan kynthup ïa palat 300,000 ngut ki khynnah skul shynrang ha ka jingpynlut kaba shi snem ka ban long T. 360 crore, la ïathuh u heh sorkar jong ka tnat pla tyngka.
