Vijayawada, Jylliew:
U President jong ka seng YSRC u YS Jagan Mohan Reddy u la pynbna ba un sa ïakynduh ïa ki nongïalam jong ka seng kiba ïakhun kum ki MLA bad MP ha ka ilekshon ba dang dep pynlong shen, ha ka 22 tarik, Jylliew.
U Myntri Rangbah barim u la pynlong ïa kiba bun ki jingïalang bad ki heh nongïalam jong ka seng, ki MLC bad ki MP naduh ba ka seng jong u ka la ïohmad ïa ka jingeh ha kane ka ilekshon kaba dang shen.
Ka seng ka la jop tang ha ki 11 tylli ki MLA bad 4 tylli ki MP konstitwensi ha kine ki ilekshon ba dang shen. Kumba la ïathuh ka tyllong khubor, la ong ba u Jagan Mohan Reddy un sa tip ïa ki daw bad ki jingkynthoh na ki kyrtong halor kine ki jingshah rem ha ki ilekshon ki ban paw shai halor ka jingbym lah leh ei ei jong ki.
Wat lada ym shym la pynpaw, ki la don ki jingïakren hapdeng ki MLA ban pyrshah ïa ka kynhun nongïalam jong ka seng halor ka jingkyntait jong ki ïa ka seng. Ki la don tang kumba katto katne ngut ki MLA kiba la pynpaw ïa ki jingsngew jong ki ha kaba ïadei bad ki jingsngew halor ki nongïalam kiba kham hapoh jong ka seng.
