New Delhi, Jylliew:
Ka President Droupadi Murmu kumba ka la pynbna, kan sa leit jngoh ïa ka jylla Odisha na ka bynta saw sngi ka ban long naduh ka 6 tarik, Naitung na ka bynta ban leit ïashim bynta ha ka Rath Yatra.
Kumba la pynbeit, la ong ba ka President kan sa poi ha ka jylla Odisha ha ka 6 tarik bad leit ban ïashim bynta ha ka prokram ha Jaydev Bhawan ha ka por janmiet. Kan sa leit ïashim bynta ha ka Rath Yatra ha Puri ha ka 7 tarik, Naitung. Kane kan sa long ka sien kaba nyngkong na ka bynta ka Murmu ba kan sakhi ïa ka Rath Yatra hadien ba ka la ïohlong President.
Ha ka 8 tarik, Naitung, ka Murmu kan sa leit jngoh ïa ki krem kyntang kiba kynthup ïa ka Khandagiri bad ka Udayagiri ha ka nongbah bad leit ruh sha ka prokram jong ka Brahma Kumaris at Andharua, la ïathuh u Police Commissioner u Sanjeeb Panda ha ka jingïakren bad ki nongthoh khubor.
Kan sa pynphuh pynphieng ïa ka prokram ha National Institute of Science Education and Research (NISER) ha Jatni ha ka 9 tarik, Jylliew. U Panda u la ong ba yn sa pynbiang ïa ka kynhun jong ki shipai pahara na ka bynta ka jingleit jngoh jong ka President. Kumba la buh, la ong ba ka Murmu kan sa leit phai sha New Delhi ha ka 9 tarik, Jylliew.
