New Delhi, Naitung:
U President jong ka seng BJP u JP Nadda u la kynthoh jur ïa ka Myntri Rangbah jong ka West Bengal ka Mamata Banerjee ha kaba ïadei bad ka jingthombor beiñ jong uwei u briew ïa ki shijur ha ka jaka paidbah, kumba la paw ha ki durkhih ba la saphriang kylleng.
U la ong ha ka jingpyllait khubor lyngba ka rynsan X, “ka durkhih kaba ishyrkhei ka la saphriang kylleng bad kane ka dei kaba la jia ha West Bengal, ha kaba ka la pynkynmaw ba kiba bun ki jingjia kiba shyrkhei ki la jia tang ha kane ka jylla. Ban nang pynjur shuh shuh kum ïa kine ki jingjia, ki nongbud jong ka seng TMC bad ki MLA ki la ïaleh ban pynksan halor kum kine ki jingjia.”
U Nadda u la bynrap shuh shuh da kaba ong, “La ka long ha Sandeshkhali, Uttar Dinajpur ne ha kino kino ki jaka, ka jylla jong ka Mamata ka West Bengal kam long kaba shngaiñ na ka bynta ki kynthei.” Ki pulit jong ka West Bengal ha ka sngi U Blei ki la buh ka jingthoh halor ka jingjia.
