Bhopal, Naitung:
Ki la don sa 2 ngut ki khynnah kiba la ïap na ka jingbam ïa ka bam kaba la sniew ha Shri Yugpurush Dham Baudhik Vikas Kendra, kaba don ha Indore ha kaba baroh kiba la ïap na kane jingjia ka la long san ngut, la ïathuh ki heh ba dei khmih. Ka jingdon jong ki khynnah kiba dang shah sumar na ka jingshitom kaba la paw ba ki la ngat bih na ka jingbam ka long 38 ngut, ha kaba 4 ngut ki dei kiba la kham shitom jur, la ïathuh u District Collector u Asheesh Singh.
Baroh kine ki khynnah ki la shah sumar ha Government Chacha Nehru Hospital kaba don ha ka nongbah bad 4 ngut napdeng jong ki ki dei kiba la shah sumar ha Intensive Care Unit Ward. Kine ki arngut ki khynnah ki la ïap ha ka Sngi Ba-ar, hahswa kane, ha ka 1 tarik, Naitung, la ïoh jingtip ba don sa 2 ngut ki khynnah rit kiba la ïap.
