Mumbai, Naitung:
U Myntri Rangbahduh u Narendra Modi u la thmu ban leit jngoh ïa ka Mumbai ha ka 13 tarik, Naitung na ka bynta ban leit plie ïa kiba bun ki projek jong ka Civic Infrastructure kiba la kot sha ka T. 7,470 klur.
Kumba la ïathuh ki heh sorkar, la ong ba u Myntri Rangbahduh, un sa pynlong ïa ki jingïalang paidbah ha NESCO Center kaba don ha Goregaon, ha kaba ka BMC ka la sdang ïa ka jingpyntreikam kumba la mang.
Ki heh sorkar ki la ong ba u Myntri Rangbahduh un sa plie ïa ki jingpyntreikam kiba hapoh ka lynti krem ka ban long shi bynta jong ka jingthrang jong ka BMC ban pyntreikam ïa ka Goregaon Mulund Link Road (GMLR) Project.
Ka jinglut ha kane ka projek ka long T. 6,300 klur. Nalor kane, u Modi un sa plie paidbah ruh ïa ka jingtyrwa jong ka BMC ban pyntreikam ïa ka projek kaba T. 1,170 klur na ka bynta ban shna ïa ka jingkieng ban pynïasoh hapdeng ka Orange Gate bad ka Grant Road kaba don ha ka bynta ba shaphang Shathie jong ka Mumbai.
Ha u Kyllalyngkot mynshem snem, u Myntri Rangbahduh u Modi u la plie paidbah ïa kiba bun ki projek jong ka BMC, kynthup ki jingpyntreikam ïa ka surok baheh bad kiba bun ki jingpyntreikam ha ka Sewage Treatment Plant.
