![Wanrah ka sorkar kmie sa 6 tylli ki Bill thymmai ha ka dorbar ha Parliament parliament](https://unongsainhima.com/wp-content/uploads/2024/07/parliament.jpg)
New Delhi, Naitung:
Ka sorkar kmie ka la wanrah sa ïa hynriew tylli ki aiñ rew (Bill) thymmai ha ka Dorbar ha Parliament kaba la sdang hynnin ka sngi bad ka ban kut haduh ka 12 tarik, Nailar. Nalor ka Finance Bill, la khmih lynti ba ka sorkar kan wanrah ruh ïa ka Disaster Management (Amendment) Bill, ka Boilers Bill, ka Bhartiya Vayuyan Vidheyak, ka Bill Coffee (Promotion and Development) bad ka Bill Rubber (Promotion and Development) mar ïakut noh ka dorbar ha Parliament ha kane ka taïew.
Katkum ka kaiphod ba la phah da ki lad phah khubor, la ong ba ka,’Ka Disaster Management (Amendment) Bill’ kaba la buh kyrteng na ka bynta ban sdang, bishar bad wadlad ban wanrah shuh shuh ïa ki jingpynshai bad ka jingïatylli ha ki rukom pyntreikam jong ki kynhun treikam bapher bapher ha ka tnat jong ka Disaster Management, la ïathuh ka tyllong khubor kaba la wan na Lok Sabha.
Shuh shuh ka kaiphot ka la ïathuh ba ka Bhartiya Vayuyan Vidheyak, 2024, ka dawa ban bujli ïa ka Aircraft Act jong u snem 1934 ban pynbiang ïa ki kyndon kiba lah ban pynsuk ha ka ban leh ïa ki kam kamai lyngba ki liengsuiñ. Ïa ka bynta bakongsan ha kane ka dorbar ha Parliament la wanrah da ka mang tyngka jong u snem 2024-25.
Ka Myntri ka tnat pla tyngka ka Nirmala Sitharaman ka la dei ban wanrah ïa ka mang tyngka jong ka sorkar kmie mynta ka sngi, la ïathuh ka tyllong khubor. Katkum ka jingïathuh ki lad phah khubor la ong ba ïa ka jingtyrwa ïa ka Boilers Bill la dawa na ka bynta ban bujli ïa ka aiñ kaba hashwa ban ïoh ïa ka jinglaitluid.
Ha kaba ïadei bad kane, la ong ba kiwei pat ki Bill ïa kiba la buh ban pynithuh bad plielad ha ka por ba don ka dorbar ki kynthup ïa ka Coffee (Promotion and Development) Bill bad ka Rubber (Promotion and Development) Bill, la ïathuh ka tyllong khubor.
Shuh shuh ha kaba ïadei bad kane, u Lamphang jong ka Lok Sabbha u Om Birla u la thaw ruh ïa ka Business Advisory Committee (BAC), kaba ju ai rai ïa ki mat treikam jong ka Parliament.
Ka kaiphot ka la ïathuh shuh shuh ba ha kane ka kynhun ba la pynïaid da u Lamphang, ka kynthup ïa u Sudip Bandyopadhyay (TMC), u P P Chaudhary (BJP), u Lavu Sri Krishna Devarayalu (TDP), u Nishikant Dubey (BJP), u Gaurav Gogoi (Congress), u Sanjay Jaiswal (BJP). , u Dileshwar Kamait (JD-U), u Bhartruhari Mahtab (BJP), u Dayanidhi Maran (DMK), u Baijayant Panda (BJP), U Arvind Sawant (Shiv Sena-UBT), u Kodikunnil Suresh (Congress), u Anurag Thakur (BJP) bad u Lalji Verma (SP) kum ki dkhot. Ka sorkar Maharashtra ka la pynbna ïa ka mang tyngka na ka bynta u snem ka kheiñ ka diah jong u 2024-25 ha ka dorbar Lyiur kaba la long ha u bnai Jylliew.
U Symbud Myntri Rangbah jong ka Maharashtra uba dei ruh u Myntri ka pla tyngka u Ajit Pawar u la pynbna ïa ka skhim jingïarap pisa kaba kynthup ïa ka jingai jingïarap pisa kaba T.1,500 man u bnai ïa ka skhim ai jingïarap pisa kaba shisien shibnai kaba long T. 1,5000 sha ki longkmie kiba dei ban ïoh jingïarap kiba don ha ka rta kaba 21 haduh 60 snem ha ka mang tyngka jong ka jylla na ka bynta u snem 2024-25. Ka mang tyngka kaba T. 46,000 klur yn sa wanrah na ka bynta ka jingpyntreikam ïa ka skhim, u la ong.