Chennai, Naitung:
U Myntri Rangbah jong ka Tamil Nadu u MK Stalin u la ai ka jingkyrshan kaba thymmai ïa ka tnad pule puthi ha ka jylla.
Nalor ban pynbha ïa ka jingbam bad ai ki jingbam batei na ka bynta ki khynnah skul, kawei na ki prokram bakongsan jong ka sorkar jong u – ka skhim jingbam mynstep – ka thmu ban nang kyntiew ïa ka ïoh ka kot jong ki briew ha ka jylla ha ka jingïaid lynti kaba jngai.
Ïa kane ka skhim la nang pynjlan ha ki jingpyntreikam sha ki skul kiba ïoh jingkyrshan na u Myntri Rangbah. Ki la don kumba 24 lak ngut ki khynnah skul mynta kiba ïoh jingmyntoi na kane ka skhim, kaba la pynlong ïa ka Tamil Nadu kawei na ki jylla kaba nyngkong eh ha ka pyrthei ban ai jingbam mynstep ha ki skul kiba bun. Watla kane ka skhim kan pynlut ïa ka tnad pla tyngka haduh T. 500 klur, la ka long ha ka jingpyntreikam kaba lyngkot ne kaba jrong ban ai jingïarap yn sa nang pynheh bad pynïar shuh shuh. Don kiba lah ban rkhie beiñ ïa ki jingïarap kum kine kum ki jingai sngewbha, tang ki skhim kiba ïaid shaphrang kum kine kiba la pyntreikam da ki seng jong ki Dravidian ki la pynlong ïa ka Tamil Nadu ka jylla kaba pawnam tam ha India ha kaba ïadei bad ka jingkyntiew ïa ki briew.
Ha ka jingshisha, ïa ka rukom bam shiteng sngi kaba la ïoh jingïaroh bha, kaba la pyni nuksa mynta ha kylleng ka ri India, la pynrung ha ka Jylla Madras (mynta ka Tamil Nadu) da ka Seng Justice (kaba la sdang ia ka seng DMK) ha u snem 1921. Naduh kata ka por, ka Tamil Nadu ka la long ka nuksa ïa ka ri India baroh kawei ha ki jingïarap ha ka imlang-sahlang kumba paw shabar.
Ka nongrim ban pynithuh ïa ka skhim bam jingbam step lah ban pynurlong naduh ka jingpule ba sdang ba la long hapdeng ki khynnah kiba dang 5-12 snem, kaba la lap ba ki la don kumba 43% ki bym ju bam jingbam mynstep man ka sngi ne hateng-hateng. Ki la don kumba 17% la lap ba kim ju bam jingbam step hashwa ba kin leit sha skul. Ka jingwad bniah ka la pynpaw shuh shuh ba ka jingbym bam ïa ka jingbam step kan ktah bha ïa ki khynnah skul ha kaba 40 percent ka jingduna ka jingïoh, ne lada ki kmie ki kpa, khamtam lada dei ki kmie kiba bsa khun da kaba shu bylla.
