![ïoh wanphai ïing ki nong India ba sahkut ha Africa da ka jingïarap u Soren nong-india](https://unongsainhima.com/wp-content/uploads/2024/07/nong-india-720x405.jpg)
New Delhi, Naitung:
Da ka jingtuklar ba shimet jong u Myntri Rangbah jong ka Jharkhand u Hemant Soren ka la lah ban pyllait im bad pynphai ïing ïa 27 ngut ki nong India kiba trei ha Cameroon kaba don ha Africa.
Kine ki nongtrei kiba la sahkut ha katei ka ri ki la poi ha Jharkhand ha ka Sngi Balang mynstep bad ïohpdiang mar T. 25,000 na ka sorkar jylla kum shi bynta ban ai jingïarap pisa sha ki.
“Na ka jingbatai jong u Myntri Rangbah bad ka jingïatreilang jong ka tnat ba dei khmih ïa ki nongbylla, ka Employment, Training and Skill Development, kine ki 27 ngut ki nong Jharkhand ki la trei ha Vinayak Construction, Face Gendarmerie, bad ha Jean-Paul Mabanklo Company kaba don ha Yaounde, Cameroon, ki la ïoh leit phai ïing ha ka Sngi Balang,” la ong ka kyrwoh ba la phah da ka sorkar jylla.