New Delhi, Nailar:
Ka seng BJP ka la sdang ban pynthymmai biang ïa ka jingdawa na ka bynta ban phah hiar shuki ïa u Myntri Rangbah jong ka Delhi u Arvind Kejriwal hadien ba ka High Court ka la hukum ba la dei ban kyrshan shwa halor ka jingkem jong ka kynhun CBI ïa u halor ka jingkynnoh donkti ha ka kam bamsap kaba la mih na ka tnat Excise.
Ka seng Aam Aadmi Party (AAP) ka la kynthoh jur ïa ka seng BJP, ha kaba ka la kynnoh ba ka la ïalam bad pynsngewthuh bakla ïa ki nongshong shnong jong ka Delhi. U President jong ka seng BJP ha Delhi u Virendra Sachdeva, ha ka jingïakren bad ki nongthoh khubor, u la ong ba baroh ar kata ka rai jong ka Supreme Court halor ka bor ban thung ïa u nongpynïaid jong ka MCD bad ka rai pynrem jong ka Delhi High Court ha kaba ïadei bad ka mukotduma halor ki jingpyndkoh treikam hapoh ka tnat Excise ki la long ka jingjop na ka bynta ki nongshong shnong jong ka Delhi.
