New Delhi, Nailar:
Ki la don palat 1,200 ngut ki koidi, kynthup ki lehnoh, kiba la lait phet na ki patok ka ri Bangladesh ha kine ki sngi, naduh ka jinghiar shuki jong ka Myntri Rangbahduh barim kane ka ri ka Sheikh Hasina, bad la ong ba kine ki lah ban rung bad phetrieh sha ki bynta jong ka ri India ha ryngkat ki tiar siat jong ki.
Haba la ïoh khubor halor kane, ki shipai ïada khappud ki la nang pynjur bad pynkhlaiñ shuh shuh ïa ki jingpahara bad peitngor ha ki bynta khappud bad la bthah ruh ïa ki nongshong shnong ba kin long kiba husiar bha halor kane.
Ki jingïakynad ki la neh mynta da ki taïew ha Bangladesh ha kaba ki la don palat 300 ngut ki briew kiba la ïap ha kaba kane ka la pynlong ïa kiba bun ki nongshong shnong ba kin leit phetrieh shipor sha ki ri bamarjan kiba don ha ki khappud.
