Ai khublei shi hajar nguh ïa ka Meikha kaba la long kaba kloi ban pynlut da ki phew lak ban phah pule shabar ïa la ki khunkha lajong, namar u Symbai dei na u/ki khun shynrang jong ka, tang uwei um treh ban leit pule shabar bad ha shwa ba kin leit ka sneng ka kraw peit khun kat shaba phi leit, phi don, leh tip briew ri ïa la ka akor – burom, ka jinglah ban phah ïa phi shabar dei ba nga ieid ïa phi kein khun, sa ïa leit suk haba donkam ei – ei pyntip wut – wut iohsngew.
Ma ki ruh ki ai jubab don akor – burom to Meikha, shongsuk duwai lem na ka bynta jong ngi bad mangi ruh na ka bynta jong phi bad khublei shibun eh. Ym lei lei khun la ai jubabh ma ka da kaba kdup ieid ïa ki, kumno ki college fees phi la ïa phah lut em, da kito ki cheque ba nga la ai bad bai flight ruh kumjuh ? Hooid, Meikha la biang lut nadong shadong. Te, sa ïa leit suk khun. To, Meikha ki la ïa kdup doh ieid ïa la ka jong ka Meikha ba lah ban ïai, namar ka don ia ka spah ka hajar kaba pahuh – pahai.
Ngam don ei – ei ban ai ïa ka Meikha lait tang ki jingduwai ha U TRAI KYNRAD ba un nang theh shuh shuh ïa ki jingkyrkhu – kyrdoh halor jong ka. Haba kren ïa ka jingshisha hi te, ha kane ka Dustur Kynthei, Jait Kynthei bad Kur Kynthei, kham ñiar eh phi ban ioh kum ïa kane ka jait Meikha. Namar kine ki 3 tylli ki Dustur barabor ki pynshlur tang ïa ka jingïajan sha ki khunsiew bad para arkmie ba shu ïa dei tang na ka Jait Kmie, ha ka liang ka longdoh – longsnam (blood relationship) ym don bynta ei – ei ruh em (no link at all), namar ki kpa jong ki baroh ki la ïa pher.
Nalor ka jingleh bha jong ka Meikha, kitei ki 3tylli ki ïai hikai ban beiñ – khoh ïa la u jong u kpa ba la ai ïa ka longrynïeng. Sngewlehrain phi kum kane eh ka jinglong jong ka jaitbynriew, bym tip(father unknow) Meghalaya Census 2011 kaba don hapoh UN Office New York, USA.
Panbor B. Lyngdoh
