Asheboro, Nailar:
Katkum ki khubor, la ong ba u President barim ka US- u Donald Trump, ha ka Sngi Balang u la mih biang hakhmat ki paidbah ban ai jingkren ha ka jingialang paidbah ban ialap ilekshon ha North Carolina hadien ka jingialang paidbah ba la dep, kaba u la shah siat bad shah ther kuli na ki bynta jong ka shkor, hynrei ha kane ka sien, la ong ba u Trump u la ieng ban ai jingkren bad ialap ilekshon nadien jong ki iit ‘Bulletproof’, ba la pynkhreh bha da ki bor pynïaid kum shi bynta ban ai jingiada ia u, lada don biang kino- kino ki nongthmu ban shim ia ka jingim ne ban buh jingma ia ka jingim jong u.
U Trump u la don 78 snem ka rta bad la ong ba u Trump u la wanrah shibun ki jingkular khamtam ia ki paidbah riew-ngeit Khristan namar u kam ialade ba u long u riewngeit uba buh ia u Blei hashwa jong kiei-kiei ki kam bad ki rai kiba u shim.
