Vijayawada, Nailar:
Ka sorkar ka la buh ïa ka por ban pyndep ïa ka jingshna ïa ki ïing na ka bynta ki briew kiba duk, kumba la bthah da u Myntri Rangbah ka jylla Andhra Pradesh u N Chandrababu Naidu, da kaba buh kyrpang ban pyndep ïa ki 1.25 lak tylli ki ïing ha kaba kut jong u snem 2024 bad 7 lak tylli ki ïing yn shna ha u bnai Nailar, 2025.
Ha jingïakren bad ki lad pathai khubor hangne ha ki khyndiat sngiba la leit, hadien ka jingïalang ban bishar bniah halor ka jingshna ïing ha NTR distrik, u Myntri ba dei khmih ïa ka tnat Housing and Information and Public Relations u Kolusu Parthasarathy u la ong ba la pyrshang ban pyndep ïa ka jingshna ïa ki ïing kiba la dep ban mang lypa.
U Myntri hadien ba u la ïoh jingtip ba ka jingtei tang 18,820 tylli ki ïing la lah ban pyndep pyrshah ïa ka 1.08 lak ba la mynjur hapoh ka PMAY ha ka District, u la ong ba ki heh ki dei ban shimkhia bad ai mynsiem ïa ki nongïoh jingmyntoi ba kin pyndep ïa ka jingtei kham kloi katba lah.
Ki mat kum ka jingpeit bniah ba bteng halor ka jingtei ïa ki ïing, ka jingtreikam jong ki tnad treikam, ka jingpynsuk ïa ki jingtei ha ki jingpynbeit ïing, ka jingbuh hakhmat eh ïa ka jingsiew na ka bynta ki ïing ba la shna shwa u snem 2019 bad kiwei kiwei la ïakren bniah ha kane ka jingïalang.
U Myntri Rangbah u la pynthikna ban rah ïa ki mat ba la pynpaw da ki nongmihkhmat jong ki riewpaidbah sha ka jingthoh jong u Myntri Rangbah. Kum ka jingkyrpad ïa ki nongïoh myntoi ba kin pyndep ïa ka jingshna ïa ki ïing ha kaba kut jong u bnai Lber, 2025, u Myntri u la kren shai ba kan ym don ka jingpynbeit ba kin ïoh kano kano ka jait jingïarap pisa na ka sorkar lada kim lah ban bat ïa ka por ba la buh.
Ka sorkar ka buh hakhmat eh ban shna ïing ïa kiba duk bad u Myntri Rangbah ka Jylla u la kren shai ha ka Collectors Conference ba la long dang shen, u la ong da kaba bynrap ba ki jingïalang buddien bad ka jingjurip ïa ki Godown ki dang ïaid shakhmat, u la ong.
U MP ka Vijayawada u Kesineni Sivanath, ki MLA ka Vasantha Krishna Prasad (Mylavaram), u Kolikapudi Srinivasa Rao (Tiruvuru), u Bode Prasad (Penamaluru) ki la pynpaw ïa ki ba bun ki mat kiba ïadei bad ka prokram shna ïing ha la ki jong ki jong ki konstitwensi.
U Special Secretary (Housing) u Diwan Mydeen, u Managing Director u P Rajababu bad kiwei kiwei ki heh ki la don ryngkat bad u Myntri ha ka jingleit jurip jong u sha ka Godown kaba don ha ka jaka jong ka Agriculture Market Committee ha Kankipadu jong ka Krishna distrik.
