Shillong, Nailur 01
U Adviser jong ka Myl-liem Lum Sports Associa-tion u Bah Hamletson Dohling u la ai khublei kitbok kitrwiang ïa ka kynhun ïalehkai jong ka Mylliem ka ban ïashim bynta ha ka lympung ïalehkai Second Division Football League ba la pynïaid da ka Shillong Sports Association.
Kat kum ka prokram ïalehkai la ong ba ka Mylliem Lum kan ïakhun nyngkong pyrshah ïa ka PFR Football Academy ha ka sngi Ba-ar (3 tarik) ha SSA Stadium, Polo ha ka por 12:45 mynsngi, katba ka Jongksah ïa ka Nongkrem ha ka por 3:45 janmiet
Ïa kane u la pynpaw ha ka jingïalang pyllait ïa ka jesey jong ka klob kaba la long ha ka taïew ba la lah ha madan Third Ground, Polo ha kaba la ïadon lang u Bah Fines Kharkongor bad u Bah Koles Marba-niang, President ka MLSA. Kane ka synjuk ka la ai khublei ia u Bah Johnie Mawri uba la don ryngkat lang bad ka MLSA.
Ha kane ka lympung ka Mylliem Lum ka la don ha ka Group-B kaba kynthup lang ïa ka Pay For Right Football Academy, Jongksha SC, Nongkrem SC, Marbisu SC, Laitlyngkot SC bad ka Lumshyiap SC. Katba ha ka Group-A ki long ka Meghalaya Police FT. Sohïong SC, Umphrup SC, Smit SC, Laitkyrhong SC bad ka Imson SC.
Ïa kane ka lympung yn sdang mynta ka lah sngi U Blei (2 tarik) ha kaba ka MLP kan ïakhun pyrshah Sohïong SC ha ka por 12:45 mynsngi, katba ka Umphrup SC ïa ka Smit SC ha ka por 3:45 janmiet.
