Amaravati, Nailur:
Ka SRM University-AP ka la pynlong ïa ka Convocation kaba 4 ha ka 2 tarik, Nailur, 2024, ha kaba ka la pynkup burom ïa ki samla kiba la pyndep ïa ki Degree kiba ki la ïoh ban kheit ïa u soh jong ka jingjop na ka bynta ka jingtbit ha ka jingpule.
Ïa kane ka sngi la pynphuh pynphieng da ka jingdonlang u kongsan Padma Bhushan Senapathy Kris Gopalakrishnan, Chairman-Axilor Ventures and Co-founder of Infosys; u symbud kongsan u Rohit Kapoor, Chief Executive Officer, Food Marketplace, Swiggy; u Founder Chancellor of SRM Group of Institutions Dr T R Paarivendhar; u Pro-Chancellor of SRM University-AP Dr P Sathyanarayanan; u Vice Chancellor Prof. Manoj K Arora, Registrar Dr R Premkumar; Dean-Academic Affairs Dr Vinayak Kalluri; kiwei pat ki riewpawkhmat, ki riewshemphang, ki nonghikai bad ki kmie ki kpa jong ka kynhun jong kine kiba la shah pynkup burom.
Ki la don kumba 1,018 ngut ki samla kiba la pyndep ïa ka jingpule, kynthup ïa 24 ngut ki riewstad PhD, ha kaba la ai sha ki ïa ki kyrdan jong ki ha kane ka sngi kaba kyrpang, bad la ithuh ïa 18 ngut ki nongjop takma ksiar, 5 ngut ki nongjop takma rupa, bad 5 ngut ki nongjop takma rnong na ka bynta ki kam ba pawnam jong ki.
U Vice Chancellor, u Prof. Manoj K Arora, ha ka jingai jingkren pdiang burom jong u, u la ong ba kum ki nongwad bniah na ka bynta ka jingai jinghikai ki la don kumba 5 tylli ki I, kata ka Integrative curricula, Interdisciplinary Research and Learning, Innovation, Industry and International Collaborations and Inclusivity. Ha ka jingïakren lyngkot jong u shaphang ka kaiphot ba man la u snem, u Prof. Arora u la pynpaw ruh ïa ka jingroi bad jingjop jong ka skulbah ha ka snem pule ba la dep. Ha kaba u la ong ba la sdang biang ïa ka skul Liberal Arts da ki 3 tylli ki tnat thymmai, ka jingpyntreikam ïa ki jinghikai ba la pynthymmai kiba ïahap bad kiba don ka jingkitkhlieh ïa ki jingdonkam kiba kylla bad la pynïar ïa ki jingïatreilang ha ka kam karkhana. U la ong ba ka kynhun nonghikai mynta ka don 350 ngut, kiba noh synñiang sha ki 688 tylli ki jingpynmih kot, 108 tylli ki jingthoh ba la pynmih, 24 tylli ki projek wadbniah bad karkhana ba la kyrshan, 21 tylli ki jingsdang, ryngkat bad ki samla pule.”
U kongsan ka Padma Bhushan Kris Gopalakrishnan, u la ai ïa ka jingkren kaba la khmih lynti bha sha ki klas kiba pyndep ïa ka jingpule jong u snem 2024. Na ka liang u Rohit Kapoor, u la ai ka jingïaroh ïa samla pule na ka bynta ki jingjop bakhraw jong ki bad u la pynpaw ïa ka jingburom kaba kham kyrpang ïa ka SRM University-AP kaba la seng ïa ka jaka pule kaba thymmai bad kaba la pynkhreh ïa ki samla pule na ka bynta ka lawei ka ban wan.
U Founder Chancellor u Dr T R Paarivendhar, uba la ai khublei ïa ki samla pule na ka bynta kane ka jingjop kaba khraw bad u la ai jingmut da kaba ong, “Ka jingstad ka dei ka bor. Pynroi ïa ka jingtip jong phi da kaba bud ïa ka jingstad kaba dang wan bad ka jingroi kaba kiew namar ka jingkylla ha ka Digital. Phi dei ban long kiba shlur ha ka jingim, kiba sngewhun ha ka jingim ban long ki nongshong shnong kiba bha tam jong kane ka ri.”
U Pro-Chancellor u Dr P Sathyanarayanan u la ai ka jingïaroh naduh ka dohnud ïa ka kynhun pule jong u snem 2024, da kaba ong, “Da ka jingthmu ban long ka skulbah kaba don ha ka kyrdan kaba paw ha ka pyrthei, ngi pynksan ïa ka jingdonkam jong ka jingpule kaba ha khlieh duh. Katba phi dang kylla na ka bynta jong ka jingnang jingstad sha ka jingkamai, to buh ha ka jingmut ba ka jingnang jingstad ka long beit u saikhum jong ka jingim jong phi.”
