Chandigarh, Nailur:
Ka kynhun National Investigation Agency (NIA) hynnin ka sngi ka la pynlong ïa ka jingleit khynra ha Punjab ha kaba ïadei bad ka jingtohkit halor ka jingjia jong ka jingshah thombor ha ka Indian High Commission ha Canada da ki nongkyrshan jong ki Khalistan, la ïathuh ki heh ba dei khmih.
Ka kynhun ba ju ïakhun pyrshah ïa ki lehnoh ka la buh jingmudui ha kaba ïadei bad kane ka bynta ha u bnai Jylliew mynshem snem. Ka kynhun NIA ka la pynlong ïa ka jingleit khynra ha Punjab ha kaba ïadei bad kane ka jingjia.
Kane ka jingjia ka ïadei bad ka jingïakhih jong ki nongkyrshan jong ki Khalistan habar jong ka Indian Mission kaba don ha Ottawa ha Canada ha ka 23 tarik, Lber, 2023, “kiba la pyrta da ki kyntien kiba pyrshah ïa ka India, kiba la teh ruh da ki lama jong ki Khalistan ha kawei na ki bynta jong ka kynroh jong ka High Commission bad ki la kawang ruh da ar tylli ki bom kawang kti hapoh ka High Commission Building”, la ong ka jingujor ejahar jong ka kynhun NIA.
