Ranchi, Nailur:
Shi bynta kum ka jingpynbna, ba ka jingwan buhai shnong jong ki nong Bangladesh bad ki Rohingya ka buh ïa ka jingma kaba khraw ïa ka Jharkhand namar ba ka “pynkylla kynsan” ïa ka jingshisha ba paw bad ka jingbun briew ha ki thaiñ Santhal Pargana bad Kolhan, u Myntri Rangbahduh u Narendra Modi u la kynnoh ïa ka sorkar synrop hapoh ka jingïalam jong ka JMM ha ka jylla ban pynlong ïa ka jingthep vote da kaba ong ba ka pynshlur ïa kum kine ki ka jingrung tuh na ka bynta ki jingmyntoi ba ka ïoh ha ka liang ki kam saiñ pyrthei.
U la ong ba ka sorkar jylla ka leh “kam sngewbha ïa ka kam saiñ pyrthei” bad “ïeng tylli lang” bad ki nongwan rung tuh.
Haba kren ha ka jingïalang paidbah jong ka BJP ha Jamshedpur, u Modi u la ong, “Ka JMM ka la pyndonkam bakla ïa ki vote jong ki riewlum tang ban ïoh jingmyntoi ha ka kam saiñ pyrthei bad mynta ki ïatreilang bad ki briew kiba la knieh ïa ki khlaw ki btap bad ki jaka puta. Kumba ka long mynta, ka jingwan buhai shnong ka dei ka mat kaba hakhmat eh ban ïakren na ka bynta ka Jharkhand. Ha ki ar ne lai sngi ba la leit, ka Jharkhand High Court ka la hukum ban tohkit da ka kynhun tohkit kaba laitluid. Hynrei ka sorkar JMM kam long kaba kloi ban pdiang halor ka jingong ba ka la don ka jingwan rung tuh jong ki bar ri.”
“Ka jingwan buhai shnong jong ki nong Bangladesh bad ki Rohingya ka long ka jingap jingma kaba khraw ha ki thaiñ Santhal Pargana bad Kolhan. Ka jingithuh bad ka jingbun briew jong kine ki thaiñ ka kylla kynsan kynsan,” u la ong ha ka jingïalang paidbah ha Gopal Maidan, ha ryngkat ka jingdonlang u Myntri ka sorkar kmie u Shivraj Singh Chouhan bad u Myntri Rangbah barim ka jylla u Champai Soren, uba la iehnoh ïa ka JMM bad leit pynïasoh bad ka seng BJP dang shen, nalor kiwei pat.
