Raipur, Nailur:
Ka sorkar Chhattisgarh ka la sdang ïa ka jingtohkit hadien ba uwei u MLA barim ka Congress u la ong ba la lap ïa ka jingdon shithup ki kot pule kiba thmu na ka bynta ki khynnah ha ki skul sorkar ha kawei ka jaka saiñ kot hadien ba u la kynnoh ba la die ïa ki kum ki tiar ba la jot.
U Vikas Upadhyay, u MLA barim ka Congress, u la kynnoh ba ki kot skul ba la shon ha une u snem jong ka kheiñ ka diah ba mynta hapoh ka prokram ‘Free Textbooks Distribution’ ha kaba la die sha uwei u nongkhaïi tiar bad la pynjot lut ïa ki.
Kawei na ki lad pathai khubor ka la lap ïa kine ki kot ha ka jaka ban saiñ ïa ki ha ka jaka kaba jngai da kumba 30 km na Raipur. Ïa kane ka jaka saiñ kot la khang da ki bor sorkar na ka bynta ban pynlong ïa ka jingtohkit. Ka sorkar BJP ha ka jylla ka la thaw ïa ka kynhun ba la lamkhmat da u IAS ophisar u Rajendra Katara, uba long u Managing Director ka Chhattisgarh Textbook Corporation.
Kane ka kynhun ka la don jingthmu ban pynpaw pyrthei ïa ka jingdon jong ka kam bamsap halor kine ki kot pule ba la die sha ki kompeni ban saiñ ïa ki da kaba thmu ban wad bniah ïa ka jingheh jong ka jingkynnoh bamsap halor ki kot pule ba la die sha ki kompeni bad ban pynngat ïa kiba donkti ha ki kyndon.
U nongïalam jong ka seng ka BJP u Gori Shankar Sriwas u la kren halor katei ka jingkynnoh thok bad u la ong, “Ha ka por Covid, katba ki khynnah pule ki dang leh klas online, da ki lak tylli ki kot pule la pynmih bad la die kum ki kot jot. Ki briew kiba don bynta ha ka ban pynkylla ïa ka Chhattisgarh Textbook Corporation kum ka jaka bamsap, mynta ki kdew kti kylla ïa ngi. Ka sorkar BJP ka sngewthuh ïa ka jingkitkhlieh jong ka bad ka dang phah pynlong ïa ka jingtohkit bniah halor kane ka kam. Kam dei ban don ka kam ba ïadei bad ka saiñ pyrthei halor kane ka bynta.”
