Khliehriat, Nailur 23
Ka Suchen Mulieh YWSC bad ka Evergreen SC Lad Wahwapung ki la ïoh jingjop ha ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association (EJHDFA) ha ka Lah Sngi U Blei ha madan Articial Turf Deinshynrum, Khliehriat.
Ha ka jingïalehkai kaba nyngkong, ka Suchen Mulieh YWSC ka la pynliem noh ïa ka Rymbai Sports YWO da 4-1 kol. Kane ka la wan urlong lyngba u Hamedahun Lamurong uba la ïoh thep ar kol ha ka minit 2 & 46 bad u Arki Suchen (33) bad u Dominic Suchen (61). Katba ïa ka shi kol jong ka Rymbai Sports la thep da u Solify Swer ha ka minit kaba 12.
Ha ka jingïalehkai kaba bud, ka Evergreen SC Lad Wahwapung ka la pynliem da 1-0 kol ïa ka Tuber Shohshrieh SSC. Kane la wan urlong lyngba u Chairman jong ka Jaiñtia Hills Autonomous District Council (JHADC) u Dr. Sankey Shangpung ha ka minit kaba 29.
Ka jingïalehkai kaba khatduh hapdeng ka Wahsarang SC bad ka Dkhiah West SC ka la kut sha ka jingïakhaid khlem don ba thep kol.
Ka jingïakhun quarter final jong ka Second Divi-sion kan long ha ka Sngi Ba-ar hapdeng ka Deinshalalu pyrshah ïa ka Sutnga Mission SSCC ha ka por 12:30 bad ka Musniang SC ïa ka Laka-dong Umlatdoh SCSC ha ka por 3 baje janmiet.
