Srinagar, Nailur:
Khatwei tylli ki Assembly Constituency (AC) jong ka Jammu distrik ki la long ba la khreh na ka bynta ka jingthep vote ha kaba palat 12 lak ngut ki nongthep vote kin leit ban ïashim bynta bad ban pyndonkam ïa ka hok jong ki ha ka 1 tarik, Risaw, ha ka bynta kaba lai bad kaba khatduh jong ka jingthep vote. Kine ki distrik ki kynthup ïa ki 11 tylli ki Assembly konstitwensi ba la tip kum ka Bishnah (SC) ka Suchetgarh (SC), ka R.S. Pura-Jammu South, Bahu, Jammu East, Nagrota, Jammu West, Jammu North, Marh (SC), Akhnoor (SC) bad Chhamb, ha kaba ka jingdon jong baroh ki nongthep vote ka long 12,00,977 ngut; 6,19,066 ngut ki dei ki shynrang, 5,81,887 ngut ki kynthei bad 24 ngut ki dei ki briew kiba don ïa ka jinglong kynthei bad shynrang.
Na ka bynta ban pynsuk bad ban ym buh jingeh ïa ki nongthep vote, ka ECI ka la thaw 1,494 tylli ki jaka thep vote ha kylleng ka distrik ha kaba ki la don 609 tylli ki jaka thep vote ha sor bad 885 tylli ki jaka thep vote ha nongkyndong. Khnang ban lah ban kyntiew ïa ka jingïashim bynta kaba heh tam jong ki nongthep vote bad ban pynsuk ïa ki nongthep vote, la buh ïa ki jaka thep vote ba kyrpang ha kylleng ki distrik na ka bynta ki briew kiba don jingduna ha ki dkhot met (PwDs), ki jaka thep vote ba la pynïaid da ki kynthei kum ki Pink Polling Stations, ki jaka thep vote ba la pyndap da ki samla, ki Green Polling Stations bad ki Unique Polling Stations.
Napdeng kine baroh ki 11 tylli ki Assembly konstitwensi jong ka distrik, 74-R.S. ka Pura-Jammu South AC ka don bun tam ki nongthep vote kiba la pynrung kyrteng ha kaba ki la long haduh 1,30,107 ngut, kaba kynthup ïa 67,322 ngut ki shynrang, 62,782 ngut ki kynthei bad 3 ngut kiba don ïa ka jinglong kynthei bad shynrang.
Kane ka konstitwensi ka la don ruh ïa 149 tylli ki jaka thep vote, ha 98 tylli ki la don ha ki thaiñ sor bad 51 tylli ha thaiñ nongkyndong na ka bynta ban kham pynsuk ïa ki rukom pyntreikam na ka bynta baroh ki nongthep vote kiba la pynrung kyrteng.
Ka 75-Bahu AC ka wan hadien da ka jingdon ki nongthep vote kaba long 1,21,131 ngut, napdeng kine 61,963 ki dei ki shynrang, 59,159 ki dei ki kynthei bad 9 ngut ki dei kito kiba don ïa ka jinglong kynthei bad shynrang. Ban pynsuk ïa ki nongthep vote la buh haduh 139 tylli ki jaka thep vote ha kane ka konstitwensi, 131 tylli ki jaka thep vote ha sor bad 8 tylli ki jaka thep vote ha nongkyndong.
Hadien ka wan ka 72-Bishnah (SC) Assembly konstitwensi kaba don 1,19,988 ngut ki nongthep vote; 63,385 ngut ki shynrang, 56,602 ngut ki kynthei bad iwei iba don ka jinglong kynthei bad shynrang.
Ban pynlong ïa ka jingthep vote kaba ïaid beit ïaid ryntih, la buh haduh 139 tylli ki jaka thep vote ha kylleng ki jaka jong ka konstitwensi, ha kaba 18 tylli ki dei ha sor bad 121 tylli ki dei ha nongkyndong.
Kumjuh ruh ka 73-Suchetgarh (SC) Assembly konstitwensi ka don 1,13,449 ngut ki nongthep vote, na kine 59,727 ki dei ki shynrang, 53,720 ki dei ki kynthei bad 2 ngut ki dei kiba don ïa ka jinglong kynthei bad shynrang. La buh haduh 128 tylli ki jaka thep vote ha nongkyndong ha ka konstitwensi na ka bynta ka jingthep vote kaba ïaid beit ïaid ryntih. Kumjuh ruh ka 79-Jammu North AC ka don 1,11,811 ngut ki nongthep vote; 57,213 ngut ki shynrang, 54,595 ngut ki kynthei bad lai ngut kiba don ïa ka jinglong kynthei bad shynrang.
Ban pynsuk ïa ki nongthep vote jong kane ka konstitwensi la buh haduh 117 tylli ki jaka thep vote, ba kynthup ïa 87 tylli ha sor bad 30 tylli ha nongkyndong. Ka 76-Ka Jammu East AC ka don haduh 1,07,213 ngut ki nongthep vote; 54,021 ngut ki shynrang, 53,189 ngut ki kynthei bad 3 ngut kiba don ka jinglong kynthei bad shynrang.
Hangne la buh ïa 153 tylli ki jaka thep vote ha ka konstitwensi, ba kynthup ïa 131 tylli ha sor bad 22 tylli ha nongkyndong.Kumjuh ruh ka 78-Jammu West AC ka don 1,06,252 ngut ki nongthep vote, ha kaba 53,811 ki dei ki shynrang bad 544 ngut ki kynthei, hangne la buh haduh 118 tylli ki jaka thep vote, kiba kynthup ïa 112 tylli ki jaka thep vote ha sor bad 6 tylli ha nongkyndong.
Ka 82-Ka Chhamb AC ka don 1,06,035 ngut ki nongthep vote; 54,295 ngut ki shynrang bad 51,740 ngut ki kynthei. La buh 165 tylli ki jaka thep vote ha ka konstitwensi, ha kaba 8 tylli ha ki jaka sor bad 157 tylli ha ki jaka nongkyndong. Ka 77-Ka Nagrota AC ka don 96,007 ngut ki nongthep vote, kiba kynthup ïa 49,735 ngut ki shynrang bad ki kynthei ki long 46,272 ngut. Ka ECI ka la buh haduh 145 tylli ki jaka thep vote ha nongkyndong ha kane ka konstitwensi.
Ka 81-Akhnoor (SC) Assembly konstitwensi ka don 95,386 ngut ki nongthep vote, kiba kynthup ïa 48,954 ngut ki shynrang, 46,430 ngut ki kynthei bad 2 ngut kiba don ka jinglong kynthei bad shynrang. La buh haduh 127 tylli ki jaka thep vote, ha kaba 12 tylli ha ki jaka sor bad 115 tylli ha ki jaka nongkyndong.
Ka 80-Marh (SC) Assembly konstitwensi, kaba duna tam ki nongthep vote, ka don haduh 93,598 ngut, kiba kynthup ïa 48,640 ngut ki shynrang, 44,957 ngut ki kynthei bad iwei iba don ka jinglong kynthei bad shynrang. Hangne ki la don kumba 114 tylli ki jaka thep vote, ha kaba 12 tylli ha ki jaka sor bad 102 tylli ha ki jaka nongkyndong. Ha kajuh ka por, baroh ki jingpynbeit ki dang ïaid shakhmat na ka bynta ka jingthep vote khnang ba kan ïaid beit ïaid ryntih ha ka sngi ba don ka jingthep vote ha ka 1 tarik, Risaw.
