Hyderabad, Risaw:
Ka kynhun Enforcement Directorate (ED) hynnin ka sngi ka la khot hajir ïa u nongïalehkai kriket barim uba la leit ban pynïasoh sha ka kam saiñ pyrthei uba la long u nongïalam jong ka seng Congress u Mohammed Azharuddin ha kaba ïadei bad ka mukotduma halor ka jingkynnoh ba u la klop tyngka kaba ïadei bad ka Hyderabad Cricket Association (HCA).
U Azharuddin, uba la long mynshwa kum u President jong ka HCA, u la shah kynnoh, ba u pyndonkam bakla ïa ka pisa, ha ka por ba u bat ïa ka kam ha ka samoi treikam jong u. Kane ka dei ka sien khot hajir kaba nyngkong eh kaba la pynmih ïa u nongïalam ka Congress, ha kaba la bthah ïa u ban wan mih hakhmat ka kynhun tohkit ha kane ka sngi.
Kane ka mukotduma ka dei halor ka jingkynnoh ba la pyndonkam bakla ïa ka pisa kaba T.20 klur, kaba la mang na ka bynta ban thied ïa ki Diesel Generator, ki jingpyllip ding, bad ki jingker na ka bynta ka Rajiv Gandhi Cricket Stadium ha Uppal jong ka Hyderabad.
