Mumbai, Risaw:
Na ka jingïohlum ïa ka khubor kaba bniah, ki pulit ki la ïathuh ba san ngut ki lehnoh Naxal ki la shah siat ïap ha ka kynhun jong ki shipai ïada ri ha Gadchiroli distrik, kaba don ha Maharashtra ha ka lah sngi U Blei.
Kane ka jingïasiat ka la jia ha ki bynta jong ka khlaw kaba don ha ka thaiñ Bhamragadh hapoh ka jingïalam jong ka kynhun Commandos jong ka C-60 ka kynhun ïakhun kaba kyrpang jong ki pulit ka Gadchiroli.
Ha kaba ïadei bad ka jingïoh jingtip kaba bniah, la tip ba ki la don ki lehnoh Maoist kiba la pynlong ktem ha kine ki lai ne saw sngi ba la leit ha kine ki bynta jong kane ka khlaw halor ka jingthmu jong ki ban leh ïa ki kam thombor, la ïathuh ki pulit ha ka jingthoh ba la phah sha ki lad pathai khubor.
Ha ka step jong ka sngi U Blei, katba ki kynhun shipai ki dang pynlong ïa ka jingleit thwet lehnoh ha ka por 7:00 baje mynstep, ki la shah siat khlem sangeh ha ki lehnoh Maoist. Ka kynhun C-60 ka la pynphai kylla ïa ka jingsiat.
