Shillong, Naiwieng 03
Ka Meghalaya Power Distribution Corporation Limited (MePDCL) ka la pynbna ba kan pynlip bording haduh 6 sngi ha kylleng ki shnong jong ka East Khasi Hills District ka ban treikam naduh ka 4 tarik Naiwieng, 2024.
Kane ka jingpynlip bording kan treikam naduh ka por 9 baje mynstep haduh 3 baje janmiet bad la pyntip ba ka daw ka dei namar ka jingshna ïa u 33 KV line bathymmai ha ka thaiñ Mawlyndep.
Ki shnong ki ban shah ktah ha kane ka jingpynlip bording ki dei na ka 33 KV MES Feeder ba kynthup ïa ka MES Assam Regimental Centre, Assam Rifles Office Complex, Assam Rifles Residential, MES Hospital, PGCIL, NERPC, NERLDC, Anthropological Survey of India, baroh kawei ka Mawshbuit, Happy Valley, Madanrting, Wahtyrthi, Laitkor, Wahkdait bad ki shnong ba marjan.
Kiwei pat ki dei jong u 33 KV Lad Smit ba kynthup ïa ka DGAR, Umphyrnai, Sohryngkham, Mawryngkneng, Mawlyndep, Puriang, Smit, Nongkrem, Thangsning, Jongksha, Mawkynrew, Kharang bad ki shnong ba marjan.
Ïa kane la pyntip da u Executive Engineer ka East Khasi Hills Distribution Division ka MePDCL.
