New Delhi, Naiwieng:
Katkum ki khubor, la ong ba ki nongialam niam bad ki riewngeit Hindu ha Canad ki la shah thombor katba ki dang don hapoh ka jakamane kaba don hajan ka nongbah Toronto jong katei ka ri, ha kaba u Myntri Rangbahduh ka Canada, u Justin Trudeau u la ong ba kane ka jingshah thombor ki nong India hapoh katei ka jaka mane ka dei ka bym lah ban pdiang.
Ha katei ka jingjia, ki bor pynïaid ka Canada ki la phah ia shibun bah ki nongap pahara ban tehlakam ia ka jingiakynad bad ka jingma kaba ap ia kitei ki nong India kiba don ha katei ka jaka mane ha Hindu Sabha hapoh Brampton.
U nongrah ktien ka Peel Regional Police, u la iathuh ba tad haduh ka step Lah Sngi U Blei, ym pat shym la ioh kem ia kiba don kti ha katei ka kam thombor bad ki pulit ruh kim nud ban kdew kti ne kynnoh iano-iano ruh haba iadei bad katei ka jingjia kaba la jia khlem poi pyrkhat ha katei ka sngi.
Haba iadei bad kane, uwei na ki nongialam ka Canada u la ong ba kane ka jingjia ka pyni ba haduh katno ka jingsniew ka la nang roi hapoh katei ka ri.
Hynrei u la kular pat ba ki bor pynïaid ri kin trei shitom ban thwet bad phah kem ia kitei kiba don kti baroh bad ban ai ruh ka jingpynsaja kaba iadei bad ka jingleh pynkheiñ aiñ jong ki katkum ki kyndon pynkheiñ aiñ ba la buh jong ka ri.
