Jowai, Naiwieng 07
Ka Ladthadlaboh ka la khur jingjop, katba ka 7 Wasa bad Mukhla Raij ki la ïakhait ha ka jing-ïalehkai Super Division Football Tournament (Kiang Nangbah Memo -rial Trophy 2024) ba la pynïaid da ka West Jaiñtia District Sports Association (WJDSA).
Ha ka jingialehkai kaba la long ha Kiang Nangbah Stadium, Jowai ha ka sngi Palei, ka Ladthadlaboh ka la pynliem noh ïa ka Sailung Ïalong da 5-1 kol.
Ïa ki kol jong ka Ladthadlaboh la thep da u Sanki Langstang ha ka minit kaba 9 & 54, u Dowell John Shylla (76), Lammida o Dkhar (87) bad Medonhi Salahe (90). Katba ïa ka shi kol jong ka Sailung Ïalong la thep da u Masan War ha ka minit kaba 12.
Shwa kane, ka jingïalehkai ka la kut ha ka jingïakhaid khlem da lah ban pynkhih jar hapdeng ka 7 Wasa United bad Mukhla Raij.
Ha ka sngi Thoh-dieng ka jingïalehkai kan long hapdeng ka Shangpung Lumiawmushai pyrshah ïa ka Nangbah Mulang ha ka por 11 baje mynstep bad ka Demthring ïa ka Wahïajer ha ka por 2 baje nohphai sngi.
